Anqaradagi poyezd halokati qurbonlari soni 9 nafarga yetdi

Mamlakat Transport vazirligi xabariga ko‘ra, Anqaradagi poyezd halokatida to‘qqiz kishi halok bo‘lgan ulardan uch kishi mashinist bo‘lgani aytilmoqda. Ta’kidlanishicha, 47 kishi jarohat olgan. Bu haqda “Anadolu” agenligi xabar bermoqda.

Eslatib o‘tamiz, bugun, 13-dekabr kuni Anqaradan Ko‘nyaga yo‘l olgan tezyurar poyezd lokomotiv bilan to‘qnashib ketgan. Poyezdning ikkita vagoni relslardan chiqib yer usti o‘tish joyiga borib urilib, uni vayron qilgan.