“Namangan haydovchilari” 400 ta avtomashina ishtirokida ramziy archa yasaydi

23-dekabr kuni Namanganda noodatiy tadbir e’lon qilindi, deb xabar bermoqda “Nuz.uz”.

Mazkur tadbirni viloyat Yo‘l harakati xavfsizligi boshqarmasi qo‘llab-quvvatlashini ma’lum qilgan. Bundan tashqari, YHXB avtomobillari ham aksiyada ishtirok etib, ular mashinalar archasining yulduzi bo‘lishadi.

Tadbir tashkilotchilari avto archa yasashga uzoq vaqt ketishini hisobga olib, bepul issiq kofe va choy ichish uchun ochiq pavilyon ham tashkil etishadi.

Shuningdek, tadbirga tashrif buyurgan haydovchilar uchun Qorbobo va Qorqiz ishtirokidagi bayram dasturi rejalashtirilgan.