Namanganda yana kuchli gumburlash ovozi eshitildi

Bugun, 14-dekabr kuni taxminan soat 10:00 da Namanganda qattiq gumburlash ovozi eshitilgan. UZ24 xabariga ko‘ra, o‘quvchilaridan yetib kelgan xabarlarga ko‘ra, kuchli zarbdan deraza oynalari ham larzaga kelgan.

Eslatib o‘tamiz, bu kabi holat 6-dekabr kuni ham kuzatilgandi. O‘shanda avvaliga Mingbuloq neft konida portlash yuz bergani xabar qilindi, keyin esa rasmiylar bu xabarni rad etib, hududda hech qanday portlash sodir bo‘lmaganini ta’kidlashdi.

Viloyat IIB matbuot xizmati gumburlash tabiat hodisasi bo‘lishi ham mumkinligini taxmin qilib, o‘rganishlar davom ettirilayotganini ma’lum qilgandi. Hozircha holat rasmiy izohlangani yo‘q.