Toshkent viloyatida qoramol o‘g‘risi qo‘lga tushdi

Toshkent viloyatining Piskent tumanida yashovchi, E.D. IIBga murojaat qilib, unda shu yil 4-noyabrga o‘tar kechasi noma’lum shaxs Fayzobod mahallasida joylashgan dala maydonida qarovsiz qoldirilgan 2 bosh qoramollarini o‘g‘irlab ketganligini ma’lum qilgan. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.

Ko‘rilgan choralar natijasida ushbu jinoyatni Andijon viloyati Baliqchi tumanida yashovchi, B.M. sodir etganligi aniqlanib ushlangan. Holat yuzasidan tergov harakatlari olib borilmoqda.