O‘rhan Pamuk Nobelni faqat mashhur yozuvchilarga taqdim etishni taklif qildi. Musiqachi Bob Dilanga mukofot berilgani unga yoqmadi

Turkiyalik yozuvchi O‘rhan Pamuk Nobel mukofotini faqat mashhur mualliflarga taqdim etishni taklif qildi, deb yozadi “Gazeta.ru”.

Mukofot faqat adabiyot tufayli mashhurlikka erishganlarga berilishini istardim.

O‘rhan Pamuk, turk yozuvchisi, 2006-yilgi Nobel mukofoti sovrindori

Musiqachi Bob Dilanning mukofotga loyiq deb topilishini sharhlay turib, Pamuk Nobel qo‘mitasining yakuniy qaroridan hafsalasi pir bo‘lganligini ma’lum qildi.

Bundan tashqari, Pamuk avvalroq mukofot jurnalistga (Svetlana Aleksiyevich) ham berilganligini eslatib o‘tdi.

Albatta hay’at munozarali qaror qabul qilishga to‘liq haqli.

O‘rhan Pamuk, turk yozuvchisi, 2006-yilgi Nobel mukofoti sovrindori

Yozuvchi, shuningdek, Nobel mukofoti uning hayotini o‘zgartirganligi va baxtli qilganligini qo‘shimcha qildi.

O‘rhan Pamuk XX asr boshi haqida tarixiy roman yozmoqda

“Daryo”ning Telegram’dagi rasmiy kanali — @toshqindaryo’ga a’zo bo‘ling!