Qirg‘iziston prezidenti lavozimini 2023-yilda tark etmoqchi

19-dekabr kuni Qirg‘iziston republikasining “Ala-Archa” davlat qarorgohida prezident ishtirokida matbuot anjumani bo‘lib o‘tmoqda. Bu haqda “Sputnik” xabar berdi.

Matbuot anjumani prezidentning bir yillik faoliyati yakunlariga bag‘ishlangan.

Qirg‘iziston prezidenti Sooronbay Jeenbekov jurnalistlarning savollariga javob berar ekan, 2023-yilda vakolati tugagach hozirgi lavozimida qolish niyati yo‘qligini ma’lum qildi. Jeenbekov yana bir muddatga saylanmoqchi emas.

“Men umuman hech kimni o‘zimga siyosiy raqib deb bilmayman va 2023-yildan so‘ng men oddiy fuqaro sifatida yashamoqchiman”, — deydi u.