Rasman: AQSh Suriyadan qo‘shinlarini olib chiqishni boshladi

AQSh Oq uyi mamlakat harbiylarining Suriyadan chiqarilishi boshlanganini rasman e’lon qildi. Oq uy matbuot kotibi Sara Sandersning so‘zlariga ko‘ra, Vashington Suriyadagi kampaniyaning keyingi bosqichiga tayyorlanmoqda. Bu haqda “Kommersant” xabar berdi.

AQSh Davlat departamenti xodimlari Suriyadan 24 soat ichida evakuatsiya qilinadi. AQSh o‘z qo‘shinlarini 60—100 kun ichida olib chiqib ketishni ko‘zlamoqda.

Avvalroq AQSh o‘z qo‘shinlarini Suriyadan to‘liq olib chiqib ketishni ko‘rib chiqayotgani xabar berilgan, Donald Tramp esa amerikalik harbiylar Suriyada IShID ustidan g‘alaba qozonganini ma’lum qilgan edi.