» » Shavkat Mirziyoyev BMTni O‘zbekistondagi rivojlanish jarayonlarida faol ishtirok etishga da’vat etdi

Shavkat Mirziyoyev BMTni O‘zbekistondagi rivojlanish jarayonlarida faol ishtirok etishga da’vat etdi


O‘zbekiston Prezidenti Shavkat Mirziyoyev 2-mart kuni BMT bosh kotibining siyosiy masalalar bo‘yicha yordamchisi Miroslav Yenchani qabul qildi. Bu haqda O‘zA xabar bermoqda.

Shavkat Mirziyoyev mehmonni qutlar ekan, BMT Bosh kotibi Antoniu Guterrishning O‘zbekiston ushbu tashkilotga a’zo bo‘lganining 25 yilligi munosabati bilan yo‘llagan tabrigi uchun minnatdorlik bildirdi hamda O‘zbekiston BMT va uning tashkilotlari bilan hamkorlik munosabatlarini mustahkamlashda davom etishini ta’kidladi.

O‘zbekiston Prezidenti BMTning global xavfsizlik va barqarorlikni saqlash, ijtimoiy-iqtisodiy va ekologik muammolarni hal etish, terrorizm, ekstremizm, narkotrafik, uyushgan jinoyatchilik hamda bugungi kunning boshqa xavf va tahdidlariga qarshi kurashishda tutgan muhim o‘rnini alohida qayd etdi.

Suhbat chog‘ida hamkorlikning dolzarb yo‘nalishlari bo‘yicha fikr almashildi va ko‘rib chiqilgan barcha masalalar bo‘yicha tomonlarning pozitsiyasi o‘xshash ekani ta’kidlandi. Istiqbolda o‘zaro munosabatlarni kengaytirishning ustuvor yo‘nalishlari ham muhokama qilindi.

Shavkat Mirziyoyev O‘zbekiston va butun Markaziy Osiyoda amalga oshirilayotgan rivojlanish jarayonlarida BMTni yanada faol ishtirok etishga, shuningdek, xavfsizlikni ta’minlash borasidagi mintaqaviy dolzarb masalalarni hal qilishda hamkorlikda ishlashga da’vat etdi.

Miroslav Yencha samimiy qabul uchun Prezident Shavkat Mirziyoyevga minnatdorlik bildirib, BMT O‘zbekiston bilan aloqalarni yanada mustahkamlashga, o‘zaro manfaatli barcha yo‘nalishlarda keng ko‘lamli hamkorlikni rivojlantirishga tayyorligini ta’kidladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Опубликовано: admin (2-03-2017, 21:43)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 27) ( 0) ( 25) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют