Janubiy Koreya YeTTB liniyasi bo‘yicha O‘zbekistonga yordam ko‘rsatishga tayyorligini bildirdi

O‘zbekiston Senati raisining birinchi o‘rinbosari Sodiq Safoyev 2-mart kuni Yevropa tiklanish va taraqqiyot banki (YeTTB)ning Avstraliya guruhi muqobil direktori hamda Janubiy Koreyadagi vakili S.Park bilan uchrashdi. Bu haqda Senat matbuot xizmati xabar bermoqda.

Bo‘lib o‘tgan suhbat chog‘ida tomonlar O‘zbekiston va Yevropa tiklanish va taraqqiyot banki o‘rtasidagi hamkorlik istiqbollari haqida fikr almashdi.

S.Park Seul har doim O‘zbekistonga strategik hamkor sifatida qarashini va bundan buyon ham Bank liniyasi bo‘yicha zarur yordamni ko‘rsatishga tayyor ekanligini ta’kidladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!