Basketbolchilarga to‘pni olib bergan bolakay olqishlarga sazovor bo‘ldi (video)

AQShning Fresno va Boyse shaharlari universitet jamoalari o‘rtasida bo‘lib o‘tgan basketbol uchrashuvida qiziq holat yuz berdi. Savatga tashlangan to‘p to‘siq va soat orasiga tiqilib qoldi, deb yozadi TJournal.

Sportchilar to‘pni boshqa to‘p bilan urib tushirishga harakat qildi. Koptokni tayoq yordamida ham tushirib bo‘lmadi. Shunda yosh muxlis yordamga kelib, yuqorida ilinib qolgan koptokni basketbolchilarga olib berdi.

Kichkina qahramon tomoshabinlar olqishlariga sazovor bo‘ldi. Ular bolakayni “Uchrashuvning eng foydali o‘yinchisi!” deb ham olqishlashdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!