Samarqandda “Yoshlar kutubxonasi” ish boshladi

Samarqand viloyati Nurobod tumani Bunyodkor mahallasida “Yoshlar kutubxonasi” ish boshladi, deya xabar berdi “Zarnews”.

Mazkur ziyo maskanining ochilishida O‘zbekiston yoshlar ittifoqi Samarqand viloyati va tuman kengashi xodimlari hamda mahalla faollari va o‘quvchi-yoshlar ishtirok etdi.

O‘zbekiston yoshlar ittifoqi va tuman hokimligi hamkorligida tashkil etilgan kutubxonada 2000 ga yaqin badiiy asarlar, bolalar hamda tarixiy va ilmiy adabiyotlar o‘rin olgan.