FIFA JCh—2018 musobaqasini qancha muxlis tomosha qilganini ma’lum qildi

FIFA ma’lumotiga ko‘ra, 2018-yil yozida Rossiya maydonlarida bo‘lib o‘tgan Jahon Chempionatini televideniye orqali 3,5 milliard muxlis tomosha qilgan.

Qayd etilishicha, o‘z uyida o‘yinlardan birining bir daqiqasini bo‘lsa ham tomosha qilganlar soni 3,262 milliard kishini tashkil qilgan. Shuningdek, 309,7 million kishi esa o‘yinlarni jamoat joylarida tomosha qilgan.

Fransiya—Xorvatiya o‘rtasidagi final uchrashuvini 1,12 milliard kishi tomosha qilgan. Bitta o‘yinning o‘rtacha ko‘rilishi esa 191 million muxlisni tashkil etgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!