» » Shvetsiyalik prokurorlar Gulnora Karimovaga ko‘p millionli pora bergan Telia sobiq rahbarlariga maksimal jazo so‘radi

Shvetsiyalik prokurorlar Gulnora Karimovaga ko‘p millionli pora bergan Telia sobiq rahbarlariga maksimal jazo so‘radi


Shvetsiyalik prokurorlar 19-dekabr kuni Stokgolm sudida Telia telekommunikatsiya kompaniyasi sobiq rahbarlari ishi bo‘yicha o‘tkazilgan so‘nggi eshituvlarda ayblanuvchilar uchun korrupsiya bilan bog‘liq jinoyatlar sababli eng qattiq jazo berishni so‘radi, deb xabar beradi “Kun.uz”.

19-dekabr kuni Stokgolmda Telia (sobiq TeliaSonera) Shvetsiya telekommunikatsiya kompaniyasi sobiq rahbarlari ishi bo‘yicha to‘rt oy davom etgan eshituvlar tugadi. Eshituvlarning birinchi kuni shu yil 4-sentabrida boshlandi.

Telia kompaniyasining sobiq ijrochi direktori Lars Nyuberg, 2003—2007-yillarda Telia moliyaviy direktori va vitse-prezidenti, 2007—2012-yillar ushbu kompaniya Yevroosiyo biznes yo‘nalishi rahbari bo‘lgan Tero Kivisaari, shuningdek, Yevroosiyo biznes yo‘nalishi bosh maslahatchisi Uli Tuima sudlanmoqda.

Ularning uch nafari O‘zbekiston birinchi prezidentining qizi Gulnora Karimovaga Telia kompaniyasi (brend mahalliy nomi Ucell) O‘zbekiston bozoriga kirishi va mamlakatning kuch tuzilmalaridan “himoya” evaziga 350 million dollar pora berganlikda ayblanmoqda.

Prokurorlarning so‘nggi eshituvlar vaqtida ma’lum qilishicha, Telia kompaniyasining O‘zbekiston mobil aloqa bozoriga kelishi jarayoniga rahbarlik qilgan Tero Kivisaari korrupsion sxemada asosiy shaxs bo‘lgan. Ayblovchilar suddan unga 7 yil-u 9 oyga ozodlikdan mahrum etish jazosi tayinlashni so‘radi.

Shvetsiya qonunchiligiga ko‘ra, korrupsiya bilan bog‘liq jinoyatlar 6 oydan 6 yilgacha bo‘lgan qamoq muddati bilan jazolanadi.

Prokurorlar Telia’ning yana ikki sobiq rahbari - Lars Nyuberg va Uli Tuimaga ham qamoq jazosi so‘radi.

Xabar berilishicha, prokurorlar ular uchun Tero Kivisaaridan biroz kamroq muddat so‘ragan.



Manba: Daryo.uz
Опубликовано: admin (25-12-2018, 16:59)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 31) ( 0) ( 28) ( 3)
Юзеры:
- отсутствуют
Гости:
Роботы:
Последние 20 посетителей... - отсутствуют