Turkiyada yo‘lovchi avtobusi ag‘darildi. 3 kishi halok bo‘ldi

Turkiyaning markaziy qismida yo‘lovchi avtobusining ag‘darilib ketishi oqibatida kamida 3 kishi halok bo‘ldi, yana 20 kishi jarohatlandi. Bu haqda “TASS” xabar bermoqda.

Avtobus Kirshexirdan Anqaraga yo‘l olgandi. Hodisaga noqulay ob-havo sabab bo‘lishi mumkinligi bildirilmoqda: mintaqada kuchli qor yog‘moqda, izg‘irin tufayli yo‘llarda ko‘rinish yomonlashgan.

Avariya joyiga qutqaruvchilar, shifokorlar va politsiya yuborildi.