Navoiyga xalqaro reys bilan yuborilgan pochta jo‘natmasidan dron topildi

Navoiy viloyat bojxona boshqarmasi “Navoiy” xalqaro aeroporti xodimlari navbatdagi qonun buzilishi holatini aniqladi. Bu haqda “Daryo”ga Bojxona qo‘mitasi axborot xizmati xabar berdi.

Fuqaro P.K nomiga xalqaro reys bilan yuborilgan pochta jo‘natmasi bojxona xodimlari tomonidan gumon qilinib, belgilangan tartibda ko‘rikdan o‘tkazildi. Natijada pochta jo‘natmasida bojxona nazoratidan yashirincha olib o‘tish uchun yo‘llangan JY-X5 modelli uchuvchisiz uchish qurilmasi borligi fosh etildi.

Hozirda mazkur holat yuzasidan surishtiruv ishlari olib borilmoqda.