Paxtaobod markaziy shifoxonasi yangidan qurilmoqda

Paxtaobod tumanidagi markaziy shifoxona davlat dasturi asosida yangidan qurilmoqda. Bu haqda Andijon viloyat hokimligi axborot xizmati xabar bermoqda. 

2016-yilda bolalar, terapiya, xirurgiya, reanimatsiya, shoshilinch tez yordam bo‘limlari qayta rekonstruksiya qilindi.

Bu yil 90 o‘rinli tug‘ruqxona, oshxona, dorixona kapital ta’mirlanadi. Yuqumli kasalliklar bo‘limi binosi, suv minorasi va isitish qozonxonasi bunyod etiladi. Shifoxona tevarak-atrofida gulzorlar barpo etish ko‘zda tutilgan. 

Barcha obyektlarni Mustaqillik bayrami arafasida foydalanishga topshirish rejalashtirilgan.