O‘zbekiston delegatsiyasi JSST Yevropa mintaqaviy byurosining 68-sessiyasida ishtirok etmoqda

Sog‘liqni saqlash vaziri Alisher Shodmonov boshchiligidagi O‘zbekiston delegatsiyasi Jahon sog‘liqni saqlash tashkilotining Yevropa mintaqaviy byurosining 68-sessiyasida ishtirok etmoqda, deb xabar berdi Sog‘liqni saqlash vazirligi axborot xizmati.

53 ta davlatni birlashtirgan JSSTning Yevropa mintaqaviy byurosiga O‘zbekiston ham a’zo hisoblanadi.

Joriy yil 17-sentabr kuni Italiya poytaxti Rim shahrida boshlangan mazkur nufuzli sessiyada inson salomatligi bilan bog‘liq qator muhim masalalar, jumladan, 2018-yilda Yevropada sog‘liqni saqlash holati, tibbiyot va aholi farovonligini qo‘llab-quvvatlash, mintaqada barqaror rivojlanish uchun inson salomatligini yanada yaxshilashga qaratilgan ko‘plab yo‘nalishlar muhokama etilishi kutilmoqda.

JSST Yevropa mintaqiy byurosining 68-sessiyasi 20-sentabrga qadar davom etadi.