Isroil parlamenti tarqatib yuborildi

Knesset (Isroil parlamenti) 26-dekabr kuni tarqatib yuborildi, deb xabar bermoqda parlament matbuot xizmati.

Parlament tarqatib yuborilishi to‘g‘risidagi yakuniy eshitishda 120 ta deputatdan 102 tasi qo‘llab chiqdi.

Shuningdek, ovoz berish jarayonida muddatdan avval bo‘lib o‘tishi rejalashtirilgan saylovlar belgilab olindi. Unga ko‘ra, 9-aprelda Isroilda saylovlar bo‘ladi, saylov natijalari asosida esa, yangi hukumat tuzilib, bosh vazir tayinlanadi.

Benyamin Netanyaxu yangi hukumat tuzulgunga qadar faoliyat yuritadi.