Toshkentda bir qizning iPhone’ini olib qochgan talonchilar qo‘lga olindi

Shu yilning 24-sentabr kuni noma’lum shaxslar Toshkent shahrining Shayxontohur tumanida yashovchi P.P.(ismli qiz)ning qo‘lidan iPhone rusumli mobil telefonini yulib olib, voqea joyidan yashiringan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni Olmazor tumanida yashovchi Q.I., Sebzor 17/18-dahada yashovchi B.R. va B.N.lar sodir etganliklari aniqlanib, ushlangan. Tergov harakatlari davom etmoqda.