“Toshshahartransxizmat” Samarqanddan yangi 12 ta avtobus olib keldi (foto)

“Toshshahartransxizmat” AJ tarkibidagi avtosaroylardagi avtobuslar safi yangilari bilan kengaymoqda, deb xabar berdi aksiyadorlik jamiyati matbuot xizmati.

Yil so‘ngiga qadar olib kelinishi rejalashtirilgan 72 ta SAZ LE 60 o‘rta sig‘imdagi avtobuslarning yana 12 tasi Samarqanddan Toshkentga qarab yo‘lga chiqdi.

“Shu kungacha barcha qulayliklarga ega bunday avtobuslardan 46 tasi keltirilib, yo‘nalishlarga biriktirilgan edi. Yil so‘ngiga qadar, ya’ni, mazkur hafta davomida SAZ LE 60 avtobusidan yana 14 ta olib kelinadi. Ular ham yangi yildan shahrimiz aholisiga xizmat qila boshlaydi”, — deyiladi xabarda.