Umra ziyoratchilari uchun kvota bekor qilindi

Hukumatning Haj va Umra tadbirlarini tashkil etish va o‘tkazishni yanada takomillashtirish chora-tadbirlari to‘g‘risidagi qaroriga o‘zgartirish kiritildi.

Adliya vazirligining Telegramdagi kanalining xabar berishicha, kiritilgan o‘zgartirishlarga muvofiq, endi Umra safariga cheklanmagan miqdorda ziyoratchilar borishi mumkin bo‘ladi.

Ilgarigi tartibga ko‘ra, Umra safariga borishi mumkin bo‘lgan ziyoratchilar kvotasi har yili 10 ming kishi etib belgilangan edi.