Toshkent viloyatida bozorda o‘g‘rilik qilgan noma’lum shaxs aniqlanib, qo‘lga olindi

Shu yilning 16-dekabr kuni Toshkent viloyatining O‘rtachirchiq tumanida yashovchi M.S Nurafshon shahar hududida joylashgan dehqon bozorida kiyim-kechaklarini yig‘ishtirayotgan vaqtida noma’lum shaxs unga tegishli ichida 6 mln so‘m puli va Samsung mobil telefoni bo‘lgan sumkasini o‘g‘irlab ketgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Holat yuzasidan jinoyat ishi qo‘zg‘atilgan edi. Ko‘rilgan choralar natijasida ushbu jinoyatni O‘rtachirchiq tumani Turkiston mahallasida yashovchi U.S. sodir etganligi aniqlanib, ushlangan. Tergov davom etmoqda.