Indoneziya va Turkiya elchilari O‘zbekistondagi missiyasini yakunladi

Indoneziya favqulodda va muxtor elchisi Anak Agung Gde Alit Santhika va Turkiya favqulodda va muxtor elchisi Ahmet Bashar Shen O‘zbekistondagi missiyasini yakunlagan, deb yozadi Turon24.

29-dekabr kuni O‘zbekiston Tashqi ishlar vaziri Abdulaziz Komilov har ikki elchi bilan alohida uchrashuv o‘tkazgan. Indoneziya elchisi O‘zbekistonda 4 yil muvaffaqiyatli faoliyat olib borgani aytilgan.

Turkiya prezidenti Rajab Toyyip Erdo‘g‘on 20-dekabr kuni O‘zbekistonga Turkiyaning elchisi etib Mehmet Surayyo Erni tayinlagan edi. U bungacha Turkiya hukumati huzuridagi hamkorlik va koordinatsiya agentligi (T?KA) direktorining o‘rinbosari bo‘lib ishlagan.

Turkiyaning O‘zbekistondagi elchisi sifatida 2016-yil dekabrdan beri shu paytgacha Axmet Bashar Shen ishlab kelayotgan edi.