Magnitogorskdagi portlash qurbonlari soni 11 nafarga yetdi

Qutqaruvchilar Magnitogorskdagi uyning qulab tushgan podyezdi vayronalari ostidan 11 kishining jasadini olib chiqdi. Bu haqda “TASS” xabar berdi.

Halok bo‘lgan 11 kishidan 1 nafari yosh bola. Avvalroq to‘qqiz nafar halok bo‘lganlarning jasadi topilgani ma’lum edi.

Qolgan 30 kishining taqdiri noma’lumligicha qolmoqda. FVV bergan ma’lumotlarga ko‘ra, qolgan 30 kishining qayerdaligi aniqlanmoqda.

Tunda vayronalar ostini tekshirish ishlari vaqtincha to‘xtatilib, qutqaruvchilar osilib turgan uy konstruksiyalarni olib tashladi. Hozirda esa yerdagi qidiruv ishlar davom etmoqda.

Xavfli konstruksiyalar olib tashlanganiga qaramay, qutqaruvchilarning hayoti hali hamon xavf ostida qolmoqda. Qutqaruvchilarning hayotiga xavf tug‘ilmasligi uchun barcha harakatlar xavfsizlik texnikasiga amal qilgan holda bajarilmoqda.