Daniyadagi temir yo‘l avariyasi 6 kishining umriga zomin bo‘ldi

Daniyadagi temir yo‘l avariyasi 6 kishining umriga zomin bo‘ldi. Bu haqda “RIA Novosti” xabar bermoqda.

Yana 16 kishi hodisa tufayli jarohat oldi.

Avariya Fyun orolini Katta Belt bo‘g‘ozi orqali Zelandiya oroli bilan bog‘laydigan ko‘prikda sodir bo‘ldi.

Politsiyaga ko‘ra, hodisaga ko‘prik ustidan o‘tayotgan temir yo‘l tarkibining keskin tormoz berishi sabab bo‘lgan.