Pugachyova va Galkin gonorarlardan voz kechib, bayramni yaqinlari davrasida nishonladi

Alla Pugachyova do‘stlari va yaqinlari qurshovidagi fotosini e’lon qildi. Bu haqda “MK.ru” xabar bermoqda.

Ma’lum bo‘lishicha, primadonna bu yil hech qayerga bormagan va sahnadagi chiqishlardan voz kechgan. Yangi yilda Maksim Galkin ikkovining Gryaz qishlog‘idagi qasriga Kristina Orbakayte eri Mixail Zemsov va qizi Klavdiya bilan kelgan.

Shuningdek, Pugachyovaning yaqin dugonasi Alina Redel oilasi bilan va Mixail Galkinning akasi Dmitriy ham bayramni ular bilan nishonlagan.

OAVga ko‘ra, Pugayovaga Yangi yil kechasidagi chiqishi uchun 300 ming yevro taklif qilishgan, biroq u bundan voz kechgan. Maksim Galkin ham ko‘p millionli gonorarlardan ko‘ra bayramni oilasi va yaqinlari davrasida nishonlashni afzal ko‘rgan.