“O‘zbekiston—Bolgariya” do‘stlik jamiyatida Navro‘z va Martenitsa bayramlari nishonlandi

Navro‘z hamda Martenitsa bayramlari munosabati bilan “O‘zbekiston—Bolgariya” do‘stlik jamiyatida madaniy tadbir bo‘lib o‘tdi, deb xabar beradi O‘zA.

Unda Bolgariyaning muvaqqat ishlar vakili G.Prodanov, O‘zbekiston xorijiy mamlakatlar bilan do‘stlik va madaniy-ma’rifiy aloqalar jamiyatlari kengashi raisi M.Hojimatov va boshqalar ikki mamlakat xalqlari o‘rtasidagi do‘stlik munosabatlari, sanoat, transport kommunikatsiyalari, turizm, madaniyat kabi sohalardagi samarali hamkorlik xususida so‘zladi.

Bugungi tarkibiy o‘zgarishlar va ishbilarmonlik muhiti O‘zbekistonning yanada taraqqiy etishida muhim omil bo‘layotgani, ikki mamlakat o‘rtasidagi iqtisodiy hamkorlik kengayib borayotgani qayd etildi.

Ta’kidlanganidek, savdo-iqtisodiy va investitsiyaviy hamkorlik izchil davom etmoqda.

Tadbirda ikki xalqning milliy kuy-qo‘shiqlari yangrab, sahna ko‘rinishlari namoyish etildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!