Hindistonlik ikki ayolga qadimiy ibodatxonaga kirishga ruxsat berildi

Hindistonlik ikki ayolga bir necha asrlar davomida ayollar kirishi man etilgan Sabirimal shahridagi Ayyappan qadimiy ibodatxonasiga kirishga ruxsat berildi, deb xabar bermoqda Hindistonning NDTV telekanali.

Ma’lum qilinishicha, hindistonlik ayollarga ibodatxonalarga kirish taqiqlanmagan, biroq Ayyappan ibodatxonasi bundan mustasno. 2018-yilning sentabrida Hindiston Oliy sudi ibodatxonaga ayollar kirishi taqiqlanishini konstitutsiyaga zid deb baholagan.

Telekanal bergan ma’lumotlarga ko‘ra, 2-yanvar erta tongdan 40 yoshdan oshgan ikki ayol ibodatxonaga politsiya bilan birga tashrif buyurgan. Ayollar tashrifidan so‘ng ibodatxona “poklanish” uchun yopilgan.