Facebook’dagi “Sergeli tumani” guruhi imkoniyati cheklangan bolalar uchun bayram uyushtirdi (foto)

Facebook ijtimoiy tarmog‘idagi “Sergeli tumani” guruhi uchinchi marta imkoniyati cheklangan bolalar uchun Yangi yil bayramini tashkillashtirdi, deb xabar berdi “Nuz.uz”.

Bayram poytaxtning Sergeli tumanida faoliyat yurituvchi nogironligi bo‘lgan bolalarni qo‘llab-quvvatlovchi Apla markazi bilan hamkorlikda tashkil etildi.

Qorbobo, qorqiz va boshqa ertak qahramonlari bolalarni bayram bilan tabrikladi.

Xayriya natijasida yig‘ilgan pullarga yuzdan ortiq bolaga sovg‘a sotib olindi.  Bundan tashqari, aksiya davomida kam ta’minlangan oilalar uchun kiyim-kechak va boshqa buyumlar ham yig‘ildi.