Qidiruvga berilgan Nodira Yashatulayeva topilgani haqida ma’lum qilindi

Toshkentda 1-yanvar kuni yo‘qolgan 15 yashar Nodira Yashatulayeva topildi, deb xabar bermoqda Toshkent shahar IIBB matbuot xizmati.

Ma’lum qilinishicha, qiz sog‘-salomat. U Toshkent viloyati Yangiyo‘l tumanidagi tanishlarining uyida bo‘lgan.

Toshkent shahar IIBB tomonidan Nodira Yashatullayeva nima sababdan ota-onasiga xabar bermasdan “sayohat”ga ketganligi bo‘yicha tekshiruv o‘tkazmoqda.

Bundan avval, Toshkentda 1-yanvar kuni yo‘qolgan 15 yashar qiz qidiruvga berilgani haqida xabar bergandik.