Natali Portman qiz farzandli bo‘ldi

Amerikalik aktrisa Natali Portman qiz farzandli bo‘ldi. Bu haqda aktrisa vakiliga tayanib People nashri xabar bermoqda, deb yozadi “Gazeta.ru”.

“Natali Portman va uning turmush o‘rtog‘i Benjamin Millpye qizaloqning ota-onasi bo‘ldi”, — deydi aktrisa vakili.

Uning so‘zlariga qaraganda, aktrisa farzandini 22-fevral kuni dunyoga keltirgan. Qizaloqqa Amaliya deb ism qo‘yishdi.

“Ona va bola baxtli va sog‘lom”, — deya qo‘shimcha qildi u.

Bu Portman va uning turmush o‘rtog‘ining ikkinchi farzandidir. 2011-yilda aktrisa o‘g‘illi bo‘lgan va unga Alef deb ism qo‘yishgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!