“Moskva go‘zali”ga uylangan Malayziya qiroli taxtdan voz kechdi

Malayziya qiroli Muhammad V taxtdan voz kechdi, deb xabar beradi Tengrinews.

U Malayziya federal konstitutsiyasiga muvofiq, hukmdorlar konferensiyasiga xat yozib, taxtdan voz kechishi haqida rasman ma’lum qilgan.

Muhammad V avvalroq uni Malayziya qiroli etib saylagan konferensiya a’zolariga minnatdorlik izhor qildi, shuningdek, bosh vazir va federal hukumatga chuqur ehtiromini bildirdi.

Muhammad V Malayziyaning o‘zi tug‘ilib-o‘sgan Kelantan shtatiga qaytmoqchi. Taxtdan voz kechishi sabablari haqida aytilmayapti.

Eslatib o‘tamiz, 2018-yil noyabrida Moskvada Malayziya qiroli Muhammad V Kelantan Sulton va 2015-yilning “Moskva go‘zali” unvoni sohibasi Oksana Voyevodinaning to‘yi bo‘lib o‘tgan edi.