O‘zbekiston fuqarosi Magnitogorskda vayron bo‘lgan uydan 8 kishini olib chiqdi (video)

O‘zbekiston fuqarosi 23 yoshli Alan Abdullayev bir necha kun davomida qutqaruvchilar bilan birga Rossiyaning Magnitogorsk shahridagi fojia joyida ishladi, deb yozadi “Nuz.uz”. U vayron bo‘lgan uydan sakkiz kishini olib chiqdi.

Alan Abdullayev Magnitogorskda qurilishda ishlaydi. 31-dekabr kuni ertalab o‘n qavatli uyda yuz bergan portlash chog‘ida u uyda bo‘lgan. Shovqinni eshitib, u ko‘chaga chiqqan va qulab tushgan podyezdni ko‘rgan.

Favqulodda vaziyatlar vazirligi xodimlari yetib kelguniga qadar Abdullayev binodan bir ayol va bolasini olib chiqishga ulgurgan, shundan keyin qutqaruvchilarga yordam berish uchun shu yerda qolgan.