“Real Sosyedad” “Real M”ni yutib, La Liga tarixiga kirdi

6-yanvar, yakshanba kuni futbol bo‘yicha La Liganing 18-turi doirasida “Real Madrid” o‘z maydonida “Real Sosyedad”ga 0:2 hisobida mag‘lub bo‘ldi.

Uchrashuvdan oldin basklar murabbiyi Asyer Garitano iste’foga chiqarilib, uning o‘rniga Imanol Alguasil klub boshqaruviga tayinlangan edi.

“Real Sosyedad” bungacha 6 ta holatda murabbiy o‘zgartirib, undan keyingi o‘tkazilgan mehmondagi o‘yinlarda mag‘lub bo‘lgandi.

MisterChip yozishicha, La Liga tarixida ilk bor murabbiyi almashgan klub safarda “Real Madrid”ni mag‘lub etgan jamoa — “Real Sosyedad” bo‘ldi. Bungacha birorta jamoa bunday ishni amalga oshira olmagan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!