Meksikadagi barda yuz bergan otishma oqibatida yetti kishi halok bo‘ldi

Otishma Meksikaning Karib dengizi sohilidagi Playa del Karmen shahridagi barda sodir bo‘lgan. Bu haqda “Korrespondent.net” xabar berdi.

7-yanvar kuni Meksikaning Playa del Karmen shahridagi bardagi otishma oqibatida yetti kishi halok bo‘lgan.

Otishma Las Virginias nomli barda sodir bo‘lgan.

“Barda olti kishi otib o‘ldirilgan holda topilgan yana bir kishi mahalliy shifoxonada vafot etdi”, – deyiladi xabarda.

Shuningdek, yana bir kishi yaralangan bo‘lib, u omon qolishga muvaffaq bo‘lgan.

Otishma sodir etgan shaxslar kimligi hozircha noma’lum.