“Barselona” sobiq ustozi Meksika terma jamoasiga bosh murabbiy bo‘ldi

Argentina terma jamoasi sobiq bosh murabbiyi Xerardo Martino Meksika terma jamoasini boshqaradi. Bu haqda Meksika termasining Twitter’dagi rasmiy sahifasida xabar berildi.

Martino terma jamoa bilan 4 yillik shartnomaga imzo chekkan. U bu vaqt davomida 8,8 million dollar miqdori maosh ishlab topadi.

56 yoshli mutaxassisning so‘nggi ish joyi “Atlanta Yunayted” bo‘lgandi. Martino MLS’ning 2018-yildagi eng yaxshi murabbiyi deb topilgandi.

Ma’lumot uchun, Xerardo Martino 2013—2014-yillarda “Barselona”ni ham boshqargandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!