Toshkentda fuqaro mast holatda qo‘shnisini urib, uning o‘limiga sabab bo‘ldi

Toshkentda qo‘shnilar o‘rtasidagi o‘zaro janjal o‘lim bilan yakunlandi, deb xabar berdi IIV jamoatchilik va ommaviy axborot vositalari bilan aloqalar boshqarmasi.

2019-yil 5-yanvar kuni Toshkent shahrining Uchtepa tumanida yashovchi G.D. mast holda qo‘shnisi M.P.ning uyida u bilan o‘zaro janjallashib, uning bosh va badanining turli joylariga urib-tepib jarohat yetkazgan.

Natijada M.P. olgan jarohati bo‘yicha hech qayerga murojaat qilmay, 7-yanvar kuni uyida vafot etgan. Holat yuzasidan jinoyat ishi qo‘zg‘atilib, G.D. qo‘lga olingan. Tergov harakatlari olib borilmoqda.