Avstraliyada meduzalar hujumi sababli hukumat plyajlarni yopib qo‘ydi

7-yanvar kuni Avstraliyaning shimoli-sharqidagi mashhur plyajlar “Portugaliya kemalari” deb nomlanuvchi ko‘k meduzalar hujumi sababli yopib qo‘yildi. Bu haqda Kvinslend shatati suv qutqaruv xizmati jamiyati ma’lum qildi, deb yozmoqda “Korrespondent.net”.

Xabarda aytilishicha, 1-dekabrdan boshlab Kvinslendda meduzalardan kuyish oqibatida 18 mingdan ortiq kishi jabrlangan. O‘tgan yilning xuddi shu davrida bunday holatlar uch baravar kam qayd etilgan.

Mutaxassislarga ko‘ra, meduzalarning tarqalishiga meduzalar koloniyasini dengiz sohillariga olib keluvchi kuchli g‘arbiy shamollar sabab bo‘lgan.