Toshkentda 2 notanish qizni kaltaklagan fuqaro Yunusobod IIB binosidan qochishga urinib oyog‘ini sindirib oldi
Toshkentda 1-yanvar kuni ikki notanish qizni kaltaklagan fuqaro Yunusobod IIB binosidan qochishga urinib, oyog‘ini sindirib oldi. Bu haqda “Podrobno.uz” xabar bermoqda.
Toshkent shahrida yashovchi 1993-yilda tug‘ilgan Shahzod A. avval sodir etgan bezorilik jinoyati uchun sudni kutayotgani holda, o‘zi uchun tegishli xulosa chiqarmasdan, 1-yanvar kuni unga avval tanish bo‘lmagan, ikki qizni jamoat joyida, hech bir sababsiz kaltaklagan.
Tergov davomida unga nisbatan Jinoyat kodeksining 273-moddasi, 5-bandi “tramadol” giyohvandlik vositasini saqlash va sotish bo‘yicha ayblov e’lon qilingan.
3-yanvar kuni ayblanuvchi Yunusobod IIB binosidan qochishga urinib, oyog‘ini sindirib olgan. Hozirda unga tibbiy yordam ko‘rsatilmoqda, ayblanuvchining ahvoli qoniqarli.
Manba: Daryo.uz