Almazbek Atambayev Vladimir Putinga ot sovg‘a qildi

Qirg‘iziston prezidenti Almazbek Atambayevning rasmiy fotosuratchisi Sulton Dosaliyev o‘zining Facebook’dagi sahifasiga Almazbek Atambayev va Vladimir Putin tabiat fonida chiroyli ot bilan birgalikda aks etgan suratni joyladi. Bu haqda “SNG.fm” xabar berdi.

Rossiya prezidentining jonivorlarga bo‘lgan muhabbatini bilgan holda, respublika rahbari mehmonga ot sovg‘a qilish orqali uni quvontirishga qaror qilgan bo‘lishi mumkin, deyiladi xabarda.

Nashr eslatishicha, ikki davlat rahbarlari Bishkekda 28-fevral kuni Rossiya prezidentining rasmiy tashrifi chog‘ida uchrashgan edi.