Nyu-Yorkdagi Chrysler Building osmono‘par binosi sotuvga qo‘yildi

AQShning Nyu-York shahridagi mashhur Chrysler Building osmono‘par binosi sotilishi mumkin. Bino egalari CBRE Group kompaniyasini xaridor topish uchun yollagan. Bu haqda “Vedomosti” xabar berdi.

Biroq binoni sotish oson bo‘lmasligi mumkin, chunki Manxettenning ramziga aylangan bino 1930-yilda qurilgan.

Ayni paytda bino Abu-Dabining mustaqil jamg‘armasiga va Amerikaning Tishman Speyer developerlik kompaniyasiga tegishli. Ba’zi investorlar Abu-Dabi jamg‘armasining 2008-yildagi jahon moliyaviy inqirozidan biroz avval binoning 90 foiz aksiyasi uchun to‘lagan 800 million dollarni qaytarib olishiga shubha qilmoqda.