Odamlarni tanib bo‘lmas darajada o‘zgartiradigan yaponiyalik sartarosh butun dunyoga tanildi

Yigitlarda qizlarga nisbatan tashqi ko‘rinishni o‘zgartirish imkoniyati juda kam. “TravelAsk” soch kesish orqali ham yigitlarni tanib bo‘lmas darajada o‘zgartiradigan iste’dodli yaponiyalik sartarosh haqida yozdi.

Sartarosh Shu Osuki Tokioning L. Dorado salonida faoliyat yuritadi. U o‘z mijozlarining soch kesishdan avvalgi va keyingi g‘aroyib suratlari bilan mashhurlikka erishgan.

Osuki soch turmaklagan yigitlar sartaroshxonadan chiqib to‘g‘ri feyshn-jurnallarining muqovasi uchun suratga tushish uchun yo‘l olishi mumkin.

“Men shunchaki hammaning ko‘rinishi ajoyib bo‘lishini istayman. Insonning yuz tuzilishiga va shaxsiga asoslanib obraz yarataman. Menga har qanday muhitga moslashish juda yoqadi”, — deydi sartarosh.