Toshkentda Pepsi market do‘konida xaridorni urib, pulini olib ketgan talonchilar ushlandi

Shu yil 5-yanvar kuni Toshkent viloyati, Yangiyo‘l tumanida yashovchi J.N. noma’lum sherigi bilan birga Toshkent shahrining Uchtepa tumani, Lutfiy ko‘chasida joylashgan Pepsi market do‘konida fuqaro D.U.ni urib, jarohat yetkazib, 2 million so‘m pulini tortib olib ketgan. Bu haqda IIV jamoatchilik va OAV bilan aloqalar boshqarmasi xabar berdi.

Holat yuzasidan jinoyat ishi qo‘zg‘atilgan edi.

Ko‘rilgan choralar natijasida talonchilikni J.N. va uning sherigi, Andijon viloyati Xo‘jaobod tumanida yashovchi 19 yoshli A.X. sodir etganliklari aniqlanib, ushlandi.

Tergov davom etmoqda.