Ilon Maskka Xitoyda doimiy yashash huquqi taklif qilindi

Xitoy davlat kengashi bosh vaziri Li Ketsyan Tesla rahbari Ilon Mask bilan uchrashuvda unga mamlakatda yashash huquqini olishni taklif qildi. Bu haqda “RIA Novosti” xabar berdi.

Uchrashuv Shanxayda Tesla zavodi qurilishining boshlanishi munosabati bilan bo‘lib o‘tgan rasmiy marosimdan keyin tashkil qilingan.

Maskning ta’kidlashicha, u Shanxaydagi zavodni butun dunyo uchun namuna qilishga umid qilmoqda. U Xitoyni juda ham yaxshi ko‘rishini va mamlakatga tez-tez kelishga tayyor ekanligini aytgan.

Li Ketsyanning ta’kidlashicha, agar Ilon Mask haqiqatdan ham shunday fikrda turadigan bo‘lsa, unga mamlakatda doimiy yashash huquqi berilishi mumkin.