Osiyo Kubogi—2019. Janubiy Koreya Qirg‘izistonni mag‘lub etib, pley-offga yo‘l oldi (video)
11-yanvar, juma kuni futbol bo‘yicha Osiyo Kubogi 2-turining “C” guruhidagi ikkinchi bellashuv ham yakuniga yetdi.
Unda Qirg‘iziston terma jamoasi Janubiy Koreya termasiga 0:1 hisobida mag‘lub bo‘ldi.
Uchrashuvdagi yagona gol 41-daqiqada kiritildi. Ushbu golga Janubiy Koreya termasi himoyachisi Min-Jae Kim mualliflik qildi.
Shu tariqa Janubiy Koreya terma jamoasi musobaqa guruh bosqichining 2-turida ham g‘alaba qozongan holda pley-off yo‘llanmasini qo‘lga kiritdi.
Eslatib o‘tamiz, ushbu guruhning dastlabki o‘yinida Xitoy Filippinni mag‘lubiyatga uchratib, pley-offga chiqqandi.
Osiyo Kubogi—2019
“C” guruhi, 2-tur
11-yanvar, juma
Gol: 0:1 — 41 Min-Jae Kim.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz