Rasman: Vadim Abramov “Bunyodkor”ga bosh murabbiy bo‘ldi

Toshkentning “Bunyodkor” klubiga Vadim Abramov bosh murabbiy etib tayinlandi. Bu haqda klub matbuot xizmati xabar berdi.

Mirjalol Qosimov OKMKga o‘tgach, vaqtincha uning o‘rnida Shuhrat Maqsudov ishlab turgandi.

Bu orada klub bosh direktori Murod Aliyev o‘z xohishiga ko‘ra ishdan ketdi. Uning o‘rniga esa Ulug‘bek Mirzayev (bungacha klubda sport direktori bo‘lib ishlab kelayotgandi) direktor bo‘ldi.

Undan avvalroq esa klubning Sergey Simonenko bilan bog‘liq holat sabab, Pro-Ligaga tushirib yuborilishi borasida FIFAdan xat kelganligi haqida xabar berildi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!