Osiyo Kubogi—2019. Yaponiya Ummonni mag‘lubiyatga uchratib, pley-offga chiqdi

13-yanvar, yakshanba kuni futbol bo‘yicha Osiyo Kubogi 2-turining “F” guruhidagi ilk bellashuvida Yaponiya termasi Ummon terma jamoasini kichik hisobda (1:0) mag‘lubiyatga uchratdi va pley-offga muddatidan yo‘l oldi

1-bo‘limning 28-daqiqasida Ummon terma jamoasi a’zosi qo‘pollik ishlatdi deb topgan hakam  arablar darvozasi tomon jarima zarbasi belgiladi, uni esa Genki Haraguchi aniq amalga oshirdi. 

Eslatib o‘tamiz, Osiyo Kubogi 2-turining “F” guruhidagi navbatdagi uchrashuvda O‘zbekiston terma jamoasi Turkmaniston termasiga qarshi maydonga tushadi. O‘yin Toshkent vaqti 21:00 da boshlanadi.

Shu tariqa musobaqada 2-tur bahslari o‘z nihoyasiga yetadi.

Osiyo Kubogi—2019

“F” guruhi, 2-tur

13-yanvar, yakshanba

Gol: 0:1 – 28 Haraguchi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!