Amerikalik biznesmen u bilan xushmuomala bo‘lgan “Makdonalds” xodimasiga mashina sovg‘a qildi

Amerikaning Xatchinson shahrida yashovchi (Minnesota shtati) biznesmen Kris Ellis “Makdonalds”da ishlovchi Viki Andersonga 2009-yilda chiqqan Pontiac avtomobilini sovg‘a qildi, deb yozadi TJournal.

Viki Anderson vaqt o‘tishi bilan restoranning doimiy tashrif buyuruvchisiga aylangan Ellis bilan doim xushmuomala bo‘lgan.

Kunlardan birida Anderson Ellisdan arzon mashina sotadigan tanishi bor-yo‘qligi haqida so‘ragan. Ayolning avtomobili buzilib qolgan, uni ta’mirlash uchun esa 500 dollar to‘lash kerak bo‘lgan.

Ellisning o‘g‘li o‘zining Pontiac’ini sotishga urinayotgan edi. Biznesmen mashinani xarid qilib, unda “Makdonalds”ga keldi va menejerdan ayolni ko‘chaga chiqarishni iltimos qildi. Ayolning hikoya qilishicha, u dastlab ishdan bo‘shatilganligini taxmin qilgan.