Osiyo Kubogi—2019. O‘zbekistonlik hakam Hindiston—Bahrayn uchrashuvini boshqaradi

14-yanvar, dushanba kuni Osiyo Kubogining 3-turidan o‘rin olgan “A” guruhidagi uchrashuvda Hindiston terma jamoasi Bahrayn termasiga qarshi maydonga tushadi.

Mazkur bellashuvni o‘zbekistonlik Ilgiz Tantashev boshqaradi, deb xabar berdi O‘FA.

Unga qanotlarda yana bir o‘zbekistonlik hakam Abduhamidullo Rasulov va qirg‘izistonlik Sergey Grishenko yordam beradi. Darvoza ortida Ravshan Ermatov va Valentin Kovalenko ishlaydi.

Uchrashuv Toshkent vaqti bilan soat 21:00 da boshlanadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!