Koreya Respublikasi Adliya vaziri O‘zbekistonga keladi

Koreya Respublikasining Adliya vaziri Pak San Gi boshchiligidagi delegatsiya tashrif bilan O‘zbekistonga keladi. Bu haqda O‘zA xabar berdi.

Tashrif doirasida delegatsiya a’zolari O‘zbekiston Respublikasi Adliya vazirligi hamda Bosh Prokuraturada bo‘lib, ikki tomonlama hamkorlikka oid uchrashuvlar o‘tkazishi kutilmoqda.

Shuningdek, ikki kunlik safar davomida Koreya delegatsiyasi a’zolari Samarqand shahariga tashrif buyurib, ko‘hna kentning bugungi qiyofasi, madaniy-ma’naviy rivojlanish tarixi bilan yaqindan tanishadi.